Imprima esta página

ARAGONES | ¿Qué es yesca?

Yesca ye un coleutibo que leba como linia continar con a organizazion y a luita.

Organizazion asambleyaria, ya que creyemos que todas /toz as/os chobens que padexemos as agresions feitas per o sistema hemos d'estar chuntos, ta tener mes rasmia contra o mecanismo d'o enemigo opresor, per ello, encara que ye una organizazion independién, ye encuadrada en o suyo entorno natural que ye o mobimiento castellanista. Y a luita ha d'estar contra o sistema capitalista, combinando a formazion pulitica con a mobilizazion y sobatedura sozial en a carrera.

Per ixo en yesca combatimos contra todas as trabas y problematicas que mos imponen a la mozardalla. Como puet estar a esplotazion laboral que sufrimos mediante ixas ETT's, con os contratos de formazion u de prauticas. Debán d'a especulazion d'a bibienda en l'autualidat, que no permite que mos podamos independizar, dependiendo de midas como a ocupazion d'espazios.

Contra la represión sufrida a diyario per todas as puntas de lanza que l'estau español tiene ta torturar, como son as suyas fuerzas de seguranza (pulizia, guardia zebil, echerzito) u os suyos sicarios sin d'uniforme como ixas bandas faxistas y neonazis, que agreden y amenazan a chobens per simplemén ser diferens. Que luita contra la esplotazion d'a muller en una marcada soziedat patriarcal, dende una posizion de carauter feminista ta aconseguir una soziedat no-secsista.

Tamien somos en o meyo que mos rodía, en ixe medio sin el cual no pedemos sobrebibir y que a beluns no les importa estricallar ta o suyo benefizio.

Per ixo escamos ixa chispa que faiga enzender as nuestras mens ta no cayer en o pasotismo y en a desidia (que son as millors armas d'o sistema autual) os cuals son creyaus en a chobentut per determidadas drogas, manulladas y emplegadas per o propio sistema, ta tormar en contra a la chobentut y controlar-la seguntes o suyo parixer.

Yesca tiene marcau un espazio de luita, el cual biene dau per os rasgos comuns que tienen as presonas que fan un pueblo, como puet estar a luenga, as costumbres, o folklore, as tradizions populars, etc... A mas, amas de tener un diferenziau entorno cheografico con os pueblos amanaus, lo cual ye o prenzipal motibo que marca a bida sozial de a chent.

Encara que como pueblo oprimiu que somos, sabemos que a soziedat ha de ser internazionalista y no conixer as mugas cada cual que luite primero en o suyo pueblo per o suyo pueblo.

Per ixo dende Yesca no luitamos per una transformazion, u per una reforma d'o sistema autual, per que ye el y las presonas que lo manullan, as que i meten as trabas y as problematicas a la mozardalla. Asinas que creyemos que hemos d'abogar per un cambeo de sistema en a soziedat, ya que somos reboluzionarias/os, pero ta aconseguirlos todas/os as/os chobens comprometidas/os hemos d'aportar tot lo que siga aintro d'as nuestras posibilidaz, encara que pensemos que no siga guaire, ya que si todas/toz luitamos chuntas/os benzeremos.

¡ORGANIZA-TE Y LUITA!